| |
|
| |
 |
| |
Major Speeches |
|
| |
|
|
|
|
Back to Major Speeches
May 01, 2008
Nebar im kamolol Anij Jemed kin joij, tiriamo im onake eo AN iod kajojo kab lal in ad.
Ao kile Iroij im Leroij ro ilo Mweo Imweir kab Iroij ro jet, I-Aelon kein, Rikaki ro jemed ilo Ekelisia ko, Ro iuan Nitijela eo, judge ro, ro ilo diplomatic corps, eo, ro ilo jikin business ko, droulul ko ilikin Kien im elaptata Armij in Majol.
Nebar im kamolol Anij Jemed kin joij, tiriamo im onake eo AN iod kajojo kab lal in ad.
Ao kile Iroij im Leroij ro ilo Mweo Imweir kab Iroij ro jet, I-Aelon kein, Rikaki ro jemed ilo Ekelisia ko, Ro iuan Nitijela eo, judge ro, ro ilo diplomatic corps, eo, ro ilo jikin business ko, droulul ko ilikin Kien im elaptata Armij in Majol.
Ejejet im ekkar nan ao kajenolok juon kile im kamolol non rein jerar im mottad rar kijon kotan ko rellap non kobatok im kememe rainin ibbed.
Kio ikonan kajitok bwe jooj aolep en bok jirik ien im kamolol ilo burued--ro jinen im jemen aelon kein—im rar eeik Jemen Ei in ad im ejaake Republic in an Marshall Islands.
Ij kamolol late president Amata Kabua kin an beran ilo kar kajur lal in ad. Ij bar kamolol president Imata Kabua kab president Kessai Note kin jerbal in tel ko kab kin ijo kuna-ir nan Marshall Islands.
1. Aolep yio ilo May jej koba tok ibben dron non kemem-e rainin an Jemen Ei in ad, im ear jejet kitien ilo 1979 yio eo, im kio emoj an lolo ilo calendar in ad yio otemjij.
2. Ta book in eaurok na-etan Jemen Ei eo an Republic an Marshall Islands, im etke eaurok bwe jen koba ibben dron aolep yio non kautiej-e, im kakememej kij woj jimor kin won kij einwot juon armij im juon lal?
3. Non na make, einwot juon eo im etto an jerbal non armij in Majol, Jemen Ei eo elaplok melelein jen naan in ‘juon book ak pepa’, kinke ej kalimur im kwalok mottan ko raurok an Kien in ad im wewin an Kien jerbal.
4 Jemen Ei in ad ej kwalok kadkadir im won kij, einwot juon armij im juon lal. Jekar eiki 29 yio ko remotlok non kwalok non lal in ke jebojak non ad kien e kij make ekkar non ‘jonak ko emoj an lal ko rej mour iumin kien anemkoj ejaaki im lori.
5. Im ej aikuij endrein. Ilo mol, e-kijkan an juon lal eo ejjab mwie im jeramon, im ekar bed mour iumin pein kamakoko an lal ko rellap, naj kar maron jelmae aban ko itokwot jen menin jorren ko ejelok ad maron ioer?
6. Ejelok kajitok ke elap oktak ko emoj aer bok jikier jen 1979 yio eo; jet ian oktak kein jekar maron jelmae, botap jet jekar jab maron ella ioer.
7. Jen ien eo, jekar maron erom juon member in United Nations; jej wonmanlok wot kin ijo kunad ilo droulul ko ilo wod—n-- bwil kein im lal in; emoj ad ejaake embassy ko ad ilo jet ian jikin ko, im jeraik elon lal ko rainin; jej kobalok ilo elon koon im kwelok ko rellap. Jimwe im maron eo non ad kobalok ilo aolep wewin kein rebed ilo Jemen Ei in ad.
8. Iloan Majol in, emoj ad kalek ial, jikin jikul im takto, kajoro, im moko jet aikuiji non an jerbal im edeklok Kien im business ko ad; emoj ad ejaake opij ko an Kien eo iolep im an local government ko nan jerbal, non armij ro im non aer bok kunaer ilo makitkit ko an Kien; im jej wonmanlok wot im bok bunten ko non kalaplok jeramon im wonmanlok an lal in ad.
9 Aolep maron ko ad non kadedelok wonmanlok kein rej bedbed wot ion Jemen Ei in ad.
10. Elap an alikar bwe Jemen Ei in ad ej kwalok ial eo jen lore einwot juon lal eo ej kien e make, im kin maron eo ekajur an armij ro.
11. Enaj ejelok tokjen elane jejamin kojerbal maron in letok in Jemen Ei eo non kojeramon lal in ad ilo jimwe im jejet.
12. Ilo mol, ebin an jejet lemnak ko jej karoki non mour kein ad. Elon ien, wewin ko rej walok rejjab jejet non konan im lemnak ko ad. Elane aolep men ren kar koman im walok ekkar non ad konan, innem bwolen lal in enaj kar juon jikin eo eoktaklok im emonlok.
13. Lal in ad einwot lal ko woj jet ibelakin lalin ej iion lan ko rellap itok wot jen an laplok onean kaan ko. Kin menin elaplok onean mour, mweiuk, jarom, ito-itak mona im men otemjij.
14. Im ej lon wot melijon ko rebin im rej ka-aban ad tobar mejen-kajjik ko ad. Im ial in ad manlok ejjamin bidodo ien otemjij.
15. Ijoke kotobar eo elap adwoj jimor ej bwe ARMIJ RO MOKTA.
16. Kin tomak in, Kien in ami ej kate jonan wot maron non bukot kilen bwe en jiban kemraiklok eddo in jooj aolep ej ineke ilo an binlok im abanlok mour ion center kein kab aelon ko ilikin
17. Unin tel ne an rainin: “Drijoiki im Atanijoiki.” Drijoiki ealikar melelein, botab “Atanijoiki” ejjab kanoij alikar, ako ilak aromelok naan in ej ba emaron ke bar laplok onean waini?
18. Kin menin, ij kajitok ibben Tobolar elane emaron lablok wonean waini kin ruo cent jino ilo Monday, May 5 ran. Melelein bwe naj 22 cent juon pound in waini ilo ailin ko ilikin, im 23.5 ilo Majuro in. Jej kajion jonan wot ad maron non kabidrodroik lok aban kein.
19. Eliktata im jab riktata, eon ko ilo Jemen Ei eo rejjamin mol ilo mour kein ad, elane rej jab bok aer kajur im kabilok jen Manit eo ad, bwe mol eo in ke Jemen Ei in ad ej kwalok ilo jeje menko bwinid, ekoba Manit im wewein mour kein ad. Botab jen jab meloklok bwe Jemen Ei in ad ej 29 wot yio rittoin, botab Manit in ad ear jen etto.
Rainin, jej kemem-e joor lep kein ruo jimor: JEMEN EI in ad, im MANIT in ad. Anij en kojeramon kij im Republic in ad.
Kom Kanoij in Emol.
Back to Major Speeches |
|
|
| |
|
|
|
